Kortreist mat | Honninggarden

Eit berekraftig lokalsamfunn

Kor langt må maten din reisa, og kva har det å sei? Me i Honninggården trur på lokalsamfunnet si evne til å finne gode løysingar på globale problem. Kortreist mat er berekraftig, og dermed bra for miljøet og for helsa vår.

Miljøet

I Noreg importerar me mykje av maten vår i frå andre stadar i verda, noko som fører til høgt CO2-utslepp. Enkelte råvarar vert produserte i Noreg for so å bli foredla og pakka i Kina, og deretter send heim att til våre butikkhyller. Lokale produkt som er produserte og foredla i ditt nærområde er på denne måten meir bærekraftig med tanke på framtida.

Kortreis mat og helse

Ta vare på helsa di med mat som du veit kva inneheld! Veit du til dømes kva sprøytemiddel som er lovlege i Nederland? Mattilsynet i Noreg fører streng kontroll med dette her til lands, noko som kan gjere oss tryggare på at den maten som er produsert nær deg ikkje inneheld noko som ikkje er bra for deg.

Økologisk

Honninggården og lokalsamfunnet

Honninggården har eit mål om å drive økologisk birøkt. Dette betyr mellom anna at me ungår kunstige stoffar og kjemikaliar i røktinga og under honningproduksjon, at me forar med økologisk sukker. Biene skal også hente honningen i frå planter som ikkje har vore behandla med ulike kunstige stoffar eller kjemikaliar. Å bli godkjend produsent av økologiske matvarar er ein litt omfattande prosess.

Honninggården samarbeidar med lokale bønder i Austevoll, Bergen og omegn. I samband med pollinering av frukttre samarbeidar me også med fruktbønder i Hardanger. Me ynskjer å vera ein ressurs for lokalsamfunnet ved å gjere lokal honning tilgjengelig der folk er. Me ønskjer også å delta på lokale marknader og messer.